بەڕێوەبەرایەتی نەهێشتنی ماددە هۆشبەرەکان لەڕاگەیەنراوێکدا، ڕایگەیاند: دوو تۆمەتبار دەستگیرکران و بڕی(یانزە کیلۆ و نیو ) ماددەی هۆشبەر لەجۆری کریستاڵ دەستی بەسەرداگیرا.
دەقی ڕاگەیەنراوەکە:
لە بەردەوامی هەوڵەکانمان بۆ بەرەنگاربوونەوەو نەهێشتنی ماددە هۆشبەرەکان، دوای بەدواداچوون و کۆکردنەوەی زانیاری ورد و دواتر وەرگرتنی فەرمانی بەڕێز دادوەری لێکۆڵینەوەی ئاساییش، لە ڕێکەوتی ١٣ـی٥ـی٢٠٢٤ تیمێکی بەڕێوەبەرایەتیمان لە شاری موصڵ بەهاوکاری و هەمانگی لەگەڵ بەڕێوەبەرایەتی نەهێشتنی ماددە هۆشبەرەکانی “نەینەوا” لەچالاکیەکدا توانییان دوو تۆمەتبار دەستگیربکەن کە کاری بازرگانییان بەماددەی هۆشبەرەوە دەکرد .
هاوکات هەر لەم چاڵاکیەشدا بڕی (یانزە کیلۆ و نیو) ماددەی هۆشبەر لەجۆری کریستاڵ دەستی بەسەردا گیرا.
لە ئێستادا هەردوو تۆمەتبار بەپێی یاسای بەرەنگاربوونەوەی ماددە هۆشبەرەکان راگیراون و لەژێر ڕێڕەوی لێکۆلینەوە دان.
بەڕێوەبەرایەتی نەهێشتنی ماددە هۆشبەرەکان
١٥ـی ٥ـی ٢٠٢٤
