فەرمانگەی میدیا و زانیاری حکومەتی هەرێمی کوردستان لە ڕاگەیەنراوێکدا، کردنەوەی پەیمانگەی پیشەیی ئینگلیزی لە کفری ڕاگەیاند.
ئەمەش دەقی ڕاگەیەنراوەکەیە:
وەزارەتی پەروەردەی حكومەتی ھەرێمی كوردستان پەیمانگەیەکی (٥ ساڵی) لە قەزای کفری دەکاتەوە بە ناوی (پەیمانگەی پیشەیی کفری/ خوێندنى ئینگیزی)، قوتابیان و خوێندکارانى دەرچووی پۆلی نۆیەمی بنەڕەتی، دەتوانن بەشێوەی ئۆنلاین داواکاری پێشكەش بكەن بەپێى ئەو مەرج و پێوەرانەی کە دانراون:
١- وەرگرتن لەسەر بنەمای بەرزترین كۆنمرەی بابەتی زمانی ئینگلیزی دەبێت.
٢- شەست (٦٠) قوتابی و خوێندکار وەردەگیرێت.
٣- خوێندنی پەیمانگە لەم پسپۆڕى و بەشانە پێک دێـت:
• بازرگانى
- گەشتوگوزار
- دیزاین
- کۆمپیوتەر
٤- قوتابی و خوێندکارى پێشكەشكار لە ھەر بەشێك وەربگیرێت مافی گۆڕینی بەشەكەی نابێت.
٥- ساڵی یەكەمی خوێندن لە پەیمانگە تەنھا ساڵی فێركردنی زمانی ئینگلیزی دەبێت.
٦- پرۆگرامەكانی پسپۆڕى و بەشەکانی لە سەرەوە ئاماژەپێکراو لە ساڵی دووەمی خوێندن دەست پێ دەكات.
٧- پێشکەشکردن لە ڕێکەوتى ۲۱ ی ۸ ی ۲۰۲٤ دەست پێ دەکات وە لە ڕێکەوتى ٥ ی ۹ ی ۲۰۲٤ کۆتایی دێت.
٨- قوتابى دەبێ سەردانى قوتابخانە و خوێندنگەى خۆى بکات بۆ وەرگرتنى وشەى بەکارهێنەر (username) و وشەى تێپەڕ (password).
Facebook Comments Box
