شاندێکی دارایی عێراق سەردانی هەولێر دەکات
دوای چەند جارێک لە دواخستنی، بڕیارە ئێوارەی ئەمڕۆ شاندێکی دارایی عێراق بگاتە هەولێر و لەگەڵ وەزارەتی دارایی و چەند بەڕێوەبەرایەتییەک کۆببێتەوە.
بڕیارە ئێوارەی ئەمڕۆ دووشەممە، شاندەکە بە سەرۆکایەتی عەتوان عەتوانی بگاتە هەولێر، 12 ئەندامی لیژنەی دارایی ناویان نووسیووە و لەناو شاندەکە دەبن، ماوەی سێ رۆژ لە هەولێر دەمێننەوە، لەگەڵ وەزارەتی دارایی و دیوانی چاودێری دارایی کۆبوونەوەیان دەبێت.
شاندەکەی وەزارەتی دارایی ژمارەیان پێنج بەڕێوەبەرە، بەڕێوەبەری گشتی بودجەی وەزارەتی دارایی و ژمارەیەک بەڕێوەبەری ژمێرکاری و بەڕێوەبەرێکی دیوانی چاودێری دارایی پێکهاتوون، لیستی مووچەی مانگی هەشت و نۆیان ڕادەستی وەزارەتی دارایی کردووە، ئەو لیستانە بەپێی داواکاری وەزارەتی دارایی عێراق بووە، لیستەکان دەبنە بنەمایەک بۆ مانگەکانی 10 و 11 و 12، بەڵام پێویستە مانگانە وەزارەتی دارایی هەرێمی کوردستان گۆڕانکارییەکانی داتای بایۆمەتری بۆ بەغدا بنێرێت.
