یەكێتی: لە مەلعەبەكە ئامادەبن و هەركەسێك ئامادەنەبێ مووچەكەی ڕادەگیرێت.
یەكێتیی نیشتمانیی كوردستان بە فەرمانی بافڵ تاڵەبانی، سەرجەم هێزە سەربازی و هێزە چەكدارەكانی خۆی بەزۆر لە هەموو ناوچەكانی كوردستان دەباتە سلێمانی تاوەكوو قەرەباڵغی دروست بكەن بۆ ئەوەی بافڵ تاڵەبانی وتارێك بخوێنێتەوە.
كاتژمێر 4ی پاش نیوەڕۆی ئەمرۆ یەكشەممە 29ی ئەیلوولی 2024، یەكێتیی نیشتمانیی كوردستان بڕیاری داوە قەرەباڵغییەك لە مەلعەبەكەی گەڕەكی چوارباغی شاری سلێمانی دروست بكات، تاوەكوو بافڵ تاڵەبانی وتارێكی تێدا بخوێنێتەو.
بەگوێرەی زانیاریەکان، تەنانەت یەکێتی هەڕەشەی لە کارمەندانی تەندروستی و کۆمپانیاکانی سکویریتیش کردووە کە دەبێ ئامادەبن لە یاریگای سلێمانی.
جگە لەوەی سەرجەم ستافی مەڵەند و كۆمیتەكانی یەكێتی لە هەموو پارێزگاكانی هەرێمی كوردستان بانگ كراون تاوەكوو ئەمرۆ لە مەلعەبەكە بن، هاوكات فشار خراوەتە سەر تەواوی هێزە سەربازی و چەكدارەكانی یەكێتی (یەكەی حەفتا و دژەتیرۆر و كۆماندۆ و ئۆپەراسیۆنەكان و ئاسایش و تەواوی چەكدارانی دیكەی حزبەكە) تاوەكوو قەرەباڵغی دروست بكەن.
هۆكاری بردنی هێزە سەربازی و چەكدارەكانی یەكێتییەكەی بافڵ تاڵەبانی بۆ ئەوە دەگەڕێتەوە كە لایەنگران و یەكێتییە راستەقینەكان ئامادە نین بەدەم بانگەوازەكەی یەكێتییەوە بچن و قەرەباڵغی بۆ وتار و بانگەشەی ناڕاستی بافڵ تاڵەبانی دروست بكەن!
