گوژمەیەکی دیکە پارەی مووچەی مانگی نۆ خرایە سەر هەژماری وەزارەتی دارایی هەرێم

بڕی 412 ملیار دینار وەک تەواوکاری مووچەی مانگی نۆی مووچەخۆران خراوەتە سەر هەژماری بانکیی وەزارەتی دارایی و ئابووریی هەرێمی کوردستان.

ئەمە لەکاتێکدایە لە ڕۆژانی ڕابردوو وەزارەتی دارایی عێراق بە بڕی  598 ملیاری دینار بۆ مووچەی مانگی نۆی فەرمانبەران و خانەنشینانی شارستانی و فەرمانبەرانی گرێبەست خستە سەر هەژماری بانکیی وەزارەتی دارایی هەرێمی کوردستان. 

سەرچاوەیەک لە وەزارەتی دارایی هەرێمی کوردستان گوتی، “ئەمڕۆ سێشمەممە پارەکە لەلایەن وەزارەتی دارایی هەرێمی کوردستان وەرگیراوە و دوای تەواوکردنی ڕێکارە کارگێڕییەکان لیستی مووچەی مانگی نۆ بڵاودەکرێتەوە و دەست بە دابەشکردنی مووچە دەکرێت.”