ڕاگەیەنراوێک لە لیژنەی باڵای هەڵبژاردنەکانی پارتی دیموکراتی کوردستانەوە

ڕاگەیاندراوێک لە لیژنەی باڵای پارتی دیموکراتی کوردستان بۆ هەڵبژاردنی خولی شەشەمی پەرلەمانی کوردستان:

سەبارەت بە ڕێوڕەسمی کەڕنەڤاڵی ئەمڕۆی شاری دهۆک، کە بۆ پشتیوانیی سەرکەوتنی لیستی 190ی پارتی دیموکراتی کوردستان ڕێکخرابوو، بە هۆی ئامادەبوونی ژمارەیەکی زۆر و فراوانی جەماوەری دڵسۆزی پارتیمان
لە ناو یاریگای دهۆک، داوای لێبووردن لەو دەیان هەزار هاندەر و لایەنگرانە خۆشەویستانەی پارتیمان دەکەن، کە بەهۆی زۆریی بەشداربووان، دەرفەتیان بۆ نەڕەخسا و لە دەرەوەی یاریگا مانەوە و نەیانتوانێ بێنە ناو یاریگا و بەشداربن لەو کەڕنەڤاڵە مەزنە، لێرەدا وێڕای سوپاس و پێزانینمان بۆ دڵسۆزی و پەرۆشیی ئەو ئازیزانە و سەرجەم جەماوەری خۆشەویستی شاری دهۆک و بادینان، داوای لێبووردنیان لێ دەکەین.و لێرەوەش هیوای سەرکەوتنیان بۆ دەخوازین.

لیژنەی باڵای پارتی دیموکراتی کوردستان بۆ هەڵبژاردنی خولی شەشەمی پەرلەمانی کوردستان
۱۱ی ئۆکتۆبەری ۲٠۲٤