وەزارەتی شارەوانی و گەشتوگوزار، لەسەر داهاتی شارەوانی و ئاو، لە چەند فەرمانێكی وەزاریدا، ڕەزامەندی نیشاندا لەسەر خەرجكردنی 15 گوژمە بۆ جێبەجێكردنی 15 پرۆژەی جۆراوجۆری خزمەتگوزاری وەكوو دابینكردنی كەلوپەل و دروستكردنی شەقام و قیرتاوكردن و نۆژەنكردنەوەی شەقام و باشتركردنی پڕۆسەی بەرهەمێنان و دابەشكردنی ئاو بەسەر هاووڵاتییان لە شاری هەولێر و دەوروبەری.
ناوی پڕۆژەكان:
1-دروستكردن و قیرتاوكردنی شەقامی 30مەتری لە سنووری شارەوانیی دارەتوو.
2-نۆژەنكردنەوە و قیرتاوكردنی ڕێگای هەززە لەسەر ڕێگەی كەسنەزان-بنەسڵاوە.
3-دروستكردن و قیرتاوكردنی شەقامەكانی بازاڕی هاوچەرخ لە سنووری شارەوانیی كەسنەزان.
4-قیرتاوكردنی شەقامێكی 30مەتری و دروستكردنی ئاوەڕۆ لە گەڕەكی ژیان.
5-كڕینی بۆری بۆ هۆبەی چاككردنەوەی بیرەكانی سەر بە بەڕێوەبەرایەتیی ئاوی هەولێر.
6-نۆژەنكردنەوە و قیرتاوكردنی شەقامە ناوخۆییەكان لە سنووری شارەوانیی كەسنەزان.
7-كڕینی گازوایل بۆ بەرهەمێنانی تێكەڵەی ئەسفەڵەتی (قیر) بۆ چاككردنەوەی چاڵ و شكستی شەقامەكانی ناو شاری هەولێر.
8-پڕۆژەی بیهارتۆن بۆ شۆستەكان لە سنووری شارەوانیی هەولێر.
9-پڕۆژەی گەیاندنی كارەبا بۆ ڕاكێشانی كێبل لە پاركی سامی عەبدولڕەحمان.
10-كڕینی گازوایل و پێداویستیی ئۆتۆمبێل و ئامێر و مۆلیدەكانی سەر بە بەڕێوەبەرایەتیی ئاوی هەولێر بۆ بەڕێوەبردنی پرۆسەی بەرهەمێنان و دابەشكردنی ئاو.
11-كڕینی ماددەی شەب بۆ بەشی تاقیگەی ئاوی هەولێر.
12-خەرجكردنی گوژمەیەك بۆ پڕۆژەی كاری چینی یەكەمی تێكەڵی جۆری A بۆ زۆنەكانی A و B بۆ شەقامەكانی 20مەتری و 30مەتری لە هەشتی حەسارۆك.
13-دروستكردنی شەقام لە شوێنە بازرگانییەكان لە سنووری شارەوانیی بنەسڵاوە.
14-دروستكردنی چەند شەقامێكی 15مەتری و 20مەتری لە گەڕەكی سەربەخۆیی لە سنووری شارەوانیی هەولێر.
15-نۆژەنكردنەوەی چەند شەقامێك لە گەڕەكی مەهاباد لە سنووری سەرۆكایەتیی شارەوانیی هەولێر.
