بەهۆی تەمومژەوە چەند گەشتێکی فڕۆکەخانەی هەولێر ڕادەگیرێن

بەهۆی دۆخی کەشوهەوا و هەبوونی تەمەوە، 11 گەشتی فڕۆکەخانەی نێودەوڵەتیی هەولێر دواخران.

سەرچاوەیەک لە فڕۆکەخانەی نێودەوڵەتیی هەولێر، ئەمڕۆ هەینی 29-11-2024 گوتی: “گەشتەکان بەهۆی دۆخی کەشوهەواوە دواخراون و هەڵنەوەشاونەتەوە”.

بەگوێرەی فڕۆکەخانەی هەولێر، بڕیارە کاژێر 10:00ـی بەیانی ئەو فڕۆکانەی گەشتەکانیان دواخراوە گەشت بکەن، “ئەگەر دۆخی کەشوهەوا گۆڕانی بەسەردا نەیەت”.