بۆ یەکەمجار لە مێژووی چەند سەد ساڵەی حوکمی پاشایەتی لە شانشینی یەکگرتووی بەریتانیا، هاووڵاتیانی ئەو وڵاتە دەتوانن مەراسیمی “سوێندخواردنی شا” بەشێوەی ڕاستەوخۆ لە تەلەفیزیۆن و ڕادیۆ تەماشا بکەن.
ئەمڕۆ شا چاڕلزی سێییەم بە ئامادەبوونی “ئەنجوومەنی دانیشن پاشاییەت”ـی بەریتانیا و سەرۆکوەزیران لیز تراس و شاژنی دایک (هاوسەری شا) و شازادەی جێنشین، سوێندی یاسای خوێندەوە.
لە مێژووی بەریتانیا، ئەمە یەکەمجارە ئەم مەراسیمە لە راگەیاندنەکان پێشانبدرێت.
ئەمڕۆ بەشێوەیەکی ڕاستەوخۆ، تەلەفیزیۆن و ڕادیۆکانی ئەو وڵاتە مەراسیمی سوێند خواردنی پاشایان لە “ئەنجوومەنی دانیشتن پاشایەتی” بڵاوکردەوە.
. سەرۆکوەزیرەکانی پێشوو. لە لای ڕاستەوە بۆ چەپ: تێرێزا مەی، دەیڤید کامیڕۆن، بۆڕیس جۆنسۆن، گۆردن بڕاون و تۆنی بڵێر. وێنە: BBC
“ئەنجوومەنی دانیشتن پاشایەتی” بەریتانیا، ئەندامەکانی بریتین لە: ئەندامانی پەڕلەمان و ئەنجوومەنی گەل، وەزیر و سەرۆکوەزیرەکانی پێشوو، شارەداری لەندەن، دادوەران و خەڵکی ئاسای دەبێت.
شا دەتوانێت بۆ ڕاێژکردن سوود لە ئەندامانی “ئەنجوومەنی دانیشتن پاشایەتی” وەربگرێت.
هەرچەندە دوای مردنی شا یا شاژن. ڕاستەوخۆ شازادەی جێنشین دەبێتە شا و ئەم مەراسیمە تەنها سیمبووڵی و پڕۆتۆکۆڵییە. بەڵام، لە پڕۆسەی پاشایەتی بەگوێرەی یاسا دەبێت ئەنجامبدرێت.
بەگوێرەی دەستوور و یاساکانی بەریتانیا، دوای هاتنە سەرکاری شای نوێ، دەبیت: پوول، دراو و سروودی نیشتمانی بگۆڕدرێت و وێنەی شای نوێی بخرێتە سەر.
دوای مردنی شاژنە “ئلیزابێتی دووەم” کوڕە گەورەکەی وەک شای بەریتانیا و ١٦ ووڵاتی تر هاتە سەر تەختی پاشاییەتی.
