تاوەکو ئێستا وادەی کۆبوونەوەی پەرلەمانی عێڕاق دیارینەرکراوە و سەرۆکی فراکسیۆنی پارتی دیموکراتی کوردستان لە پەرلەمانی عێراق، دەڵێت “دیار نییە کەی پەرلەمانی عێراق کۆدەبێتەوە”.
ڤیان سەبری، سەرۆکی فراکسیۆنی پارتی دیموکراتی کوردستان لە پەرلەمانی عێراق، بە ماڵپەڕی فەرمیی حزبەکەی ڕاگەیاندووە: هیچ ڕێککەوتنێک لەبارەی کۆبوونەوەی پەرلەمانی عێڕاق نەکراوە و دیاریش نییە کەی کۆدەبێتەوە.
ئاماژەی بەوەشداوە: هەر بڕیارێک لە عێراق بدرێت پێویستە بە ڕێککەوتنی هەموو لایەنەکان بێت و ڕێککەوتنی لەسەر بکرێت، ئینجا جێبەجێ بکرێت.
ئەمەش لەکاتێکدایە بەهۆی خۆپێشاندانەکانی ئەم دوایەی عێراقەوە، ئەنجومەنی نوێنەران کۆبوونەوەکانی هەڵپەساردووە و تا ئێستاش کۆنەبووەتەوە و دیاریش نییە کەی دەست بە کۆبوونەوەکان دەکرێتەوە.
Facebook Comments Box
