پرۆسەی جیاکردنەوەی زەوی لە سنووری پارێزگای هەولێر بەردەوامە و دوای جەژن هەزاران فەرمانبەری دیکە لە وەرگرتنی زەوی سوودمەند دەبن.
ژمارەیەکی دیکەی [نەخشەی کەرتی] لە سنووری پارێزگای هەولێر تەواو بوون و بەمزووانە پرۆسەی دابەشکردنی زەوی دەستپێدەکاتەوە، کە لەماوەی ڕابردوو بەهۆی ناڕەزایی خاوەنی زەوییە کشتوکاڵییەکان، ڕێکارەکانی ئامادەکردنیان دواکەوتن.
کارزان عەبدولهادی، بەڕێوەبەری شارەوانیی هەولێر رایگەیاند، “ڕێکارە هونەرییەکانی ئامادەکردنی زەوی بەردەوامن و کار لەسەر نزیکەی 25 هەزار پارچە زەوی کراوە و دوای جەژن دەست بە ئەنجامدانی تیروپشک بۆ دابەشکردنیان دەکەین.”
لە پرۆسەی دابەشکردنی زەوی لە سەرتاسەری هەرێمی کوردستان زیاتر لە 400 هەزار فەرمانبەر و خانەنشین لە پرۆسەی دابەشکردنی زەوی سوودمەند دەبن و هەر کەسێک 200 مەتر زەوی پێدەدرێت.
Facebook Comments Box
