بەشی پێشبینی لە بەڕێوەبەرایەتیی گشتیی کەشناسیی و بوومەلەرزەزانی سەر بە وەزارەتی گواستنەوە و گەیاندن، ڕایگەیاند: باران بارین زۆربەی ناوچەکانی هەرێمی کوردستان دەگرێتەوە.
هەینی، 4ـی نیسانی 2025، بەشی پێشبینی لە بەڕێوەبەرایەتیی گشتیی کەشناسیی و بوومەلەرزەزانی سەر بە وەزارەتی گواستنەوە و گەیاندنی حکوومەتی هەرێمی کوردستان، ڕایگەیاند: ئەمڕۆ ئاسمان پەڵە هەور بۆ نیمچە هەور دەبێت و لەشەودا دەگۆڕێت بۆ هەوری تەواو، لە ئێوارەدا نمە باران و بارانی مامناوەند لە سنوری ئیدارەی گەرمیان و پارێزگای هەڵەبجە دەست پێدەكات.
کەشناسی هەرێم باس لەوەدەکات، كاریگەریەكەی زیاد دەكات و لە درەنگانی شەو باران بارین لە زۆربەی ناوچەكانی هەرێم دەبارێت كە هەندێك كات بە دەبارێت و هەورە تریشقەی لەگەڵ دەبێت.
بەڕێوەبەرایەتیی کەشناسی هەرێم ئاماژەی بەوەشکردووە، پێشبێنی دەکرێت ڕۆژی شەممە كەش سەقامگیر بێت و كاریگەری ئەو شەپۆڵە کۆتایی بێت.
بەرزترین پلەکانی گەرمای پێشبینیکراو بە پلەی سیلیزی
هەولێر : 23 پلەی سیلیزی
سلێمانی : 20 پلەی سیلیزی
دهۆک : 20 پلەی سیلیزی
کەرکوک : 25 پلەی سیلیزی
زاخۆ : 20 پلەی سیلیزی
هەڵەبجە : 19 پلەی سیلیزی
سۆران : 16 پلەی سیلیزی
حاجی ئۆمەران : 9 پلەی سیلیزی
گەرمیان :23 پلەی سیلیزی.
