کەشناسی هەرێمی کوردستان لەبارەی شەپۆلێکی بارانبارینی بەلێزمە کە سەرجەم ناوچەکانی هەرێمی کوردستان دەگرێتەوە، ئاگادارینامەیەک بڵاودەکاتەوە و ڕایدەگەیەنێت، شەپۆلەکە لە ئەمڕۆ شەممەوە دەستپێدەکات و تاوەکو سبەی یەکشەممە بەردەوام دەبێت.
بەڕێوەبەرایەتیی گشتیی کەشناسی و بوومەلەرزەزانی هەرێمی کوردستان پێشبینی دەکات، شەپۆلی بارانبارینی بەلێزمە لە ئەمڕۆ شەممەوە دەستپێبکات و لەهەندێک ناوچەدا ڕێژەی بارانبارین بگاتە 30 ملم، و کاریگەرییەکەی تا سبەی یەکشەممە 6-4-2025 بەردەوام بێت.
بەگوێرەی خشتەی بارانبارین لە ناوچەکانی هەرێمی کوردستان، ئاستی دابارینی پێشبینیکراو لە ناوچەکانی پارێزگای سلێمانی و هەڵەبجە و هەردوو ئیدارەی سۆران و زاخۆ، بەراورد بەناوچەکانی دیکەی هەرێمی کوردستان زیاتر بێت، بەمشێوەیە:
هەولێر: 10 تاوەکو 15 ملم
سلێمانی: 20 تاوەکو 30 ملم
دهۆک: 10 تاوەکو 15 ملم
کەرکووک: 10 تاوەکو 15 ملم
هەڵەبجە: 25 تاوەکو 30 ملم
گەرمیان: 15 تاوەکو 20 ملم
سۆران: 15 تاوەکو 30 ملم
زاخۆ: 20 تاوەکو 25 ملم
ڕاپەڕین: 15 تاوەکو 20 ملم
