کەشناسی هەرێم هۆشداریی دەداتە هاوڵاتیان، کەشی هەرێم و عیراق ناسەقامگیر دەبێت و رەشەبا و هەورەبروسکە و تاوەباران دەبێت، خۆڵبارینیش بەردەوام دەبێت.
ئەمرۆ پێنجشەممە ١ی ئایاری ٢٠٢٥، کەشناسی هەرێم بلاویکردەوە، سبەینێ کەشوهەوای ناوچەکە و عێراق بە گشتی و هەرێمی کوردستان بەتایبەتی ناسەقامگیر دەبێت، بەجۆرێک رەشەبا و هەورەتریشقە و تاوەبارانی پچڕپچڕ دەبێت
دەشڵێت، سبەینێ خێرایی با زیاد دەکات لەدوای نیوەڕۆوە و هەندێک کات دەگاتە سەروو ٥٠ کیلۆمەتر لە سەعاتێکدا.
هەروەها، لە ناوچەکانی باشوری هەرێم رێژەی تۆز و خۆل زیاتر دەبێت، بۆ کاتەکانی ئێوارە خێرایی با ئاسایی دەبێتەوە.
کەشناسی هەرێم دەشڵێت، پێشبینی روودانی ژمارەیەکی زۆر هەورەتریشقە دەکرێت.
هاوکات، کەشناسیی هەرێم پێشبینییەکانی کەشەهوای ئەمڕۆی بڵاوکردووەتەوە و دەڵێت، ئەمڕۆ پێنجشەممە، ئاسمان ساماڵ و پەڵەهەور دەبێت، لەگەڵ ئەگەری بوونی کەمێک تۆز و خۆڵ لە کەشدا و پلەکانی گەرما نزیک دەبنەوە بە بەراورد لە تۆمارکراوەکانی دوێنێ.
هەروەها، سبەینێ هەینی، پلەکانی گەرما ٣ بۆ ٥ پلەی سیلیزی نزم دەبنەوە.
بەرزترین پلەکانی گەرمای پێشبینیکراو بە پلەی سیلیزی:
هەولێر: ٣٤ پلەی سیلیزی
سلێمانی: ٢٩ پلەی سیلیزی
دهۆک : ٢٩ پلەی سیلیزی
کەرکوک : ٣٦ پلەی سیلیزی
زاخۆ : ٢٨ پلەی سیلیزی
هەڵەبجە : ٣٠ پلەی سیلیزی
سۆران : ٢٤ پلەی سیلیزی
حاجی ئۆمەران : ١٩ پلەی سیلیزی
گەرمیان: ٣٦ پلەی سیلیزی
