هەرێم داهاتی ناوخۆی خستە سەر هەژماری بانکی وەزارەتی دارایی عێراق

داهاتی نانەوتی هەرێمی کوردستان بۆ مانگی حوزەیران خرایە سەر هەژماری بانکی وەزارەتی دارایی فیدراڵ کە بڕەکەی 120 ملیار دینارە.

وەزارەتی دارایی و ئابووری هەرێمی کوردستان بڵاوی کردەوە، ڕۆژی پێنج شەممە ( 28 ی ئابی 2025 ) داهاتی نانەوتی هەرێمی کوردستان بۆ مانگی حوزەیرانی ساڵی ( 2025 ) کە بڕەکەی (120،000،000،000 ) سەدو بیست ملیار دینارە، بەشێوەی کاش خرایە سەر هەژماری بانکی وەزارەتی دارایی حکومەتی فیدراڵ لەلقی هەولێری بانکی ناوەندی عێراق.

ڕاگەیاندنی وەزارەتی دارایی و ئابووری. 28 ی ئابی 2025