نووسینگەی رۆژئاوا لە بەشی پۆلیسی نەھێشتنی تاوان لە هەولێر، دوو کەسیان دەستگیرکرد کە دزییان لە بەشەناوخۆیی کچان کردبوو، هۆگر عەزیز، گوتەبێژی پۆلیسی هەولێر لەوبارەیەوە ڕوونکردنەوەیەکی بڵاوکردەوە و “پێشیبینیی دەکەیین تۆمەتبارەکان تاوانی دیکەشیان ئەنجامدابێت”.
ئەو کچانە قوتابیی زانکۆ بوونە، بۆ مانەوە خانوویەکیان بە کرێ گرتبوو و تێیدا دەمانەوە، دوای وەرگرتنی پشوویی هاوینە چوونەتە ماڵەوە، کە هاتوونەتەوە بۆ شوێنەکەیان، کاڵا و پێداویستییەکانیان لەلایەن دوو کەسەوە دزرابوون و دوای ئاگەدارکردنەوەی پۆلیس، دوو کەسەکە دەستگیرکران و بەپێی ماددەی ٤٤٦ـی یاسای سزادانی عێراقی، ئەو دوو کەسە بەندکراون.
بەپێی روونکردنەوەکەی گوتەبێژی پۆلیسی هەولێر، کاڵا و پێداویستییەکان دەستی بەسەرداگیرا و بۆ خاوەنەکانیان دەگەرێندرێنەوە، هەروەها لەکاتی دەستگیرکردنی دوو تۆمەتبارەکە؛ دەست بەسەر دوو دەمانچەشدا گیراوە.
لێنزنیوز – هەولێر
