بەڕێوەبەرایەتیی هاتوچۆی سلێمانی رایگەیاند، لەمەودوا لە کاتژمێر ٧ـی بەیانی بۆ کاتژمێر ٩ـی بەیانی، هاتووچۆی بارهەڵگرەکان لە شەقامەکانی سلێماندا قەدەغەیە… “ئەو بڕیارە بەمەبەستی کەمکردنەوەی قەرەباڵغییە.”
بەڕێوەبەرایەتیی هاتوچۆی سلێمانی راگەیاندراوێکی بڵاوکردووەتەوە و شۆفێرانی بارهەڵگرەکانی ئاگادار دەکاتەوە “لە کاتژمێر ٧ـی بەیانی بۆ ٩ـی بەیانی لە شەقامەکاندا هاتووچۆ مەکەن”.
ئاماژە بەوەشدراوە، ئەو بریارە بەمەبەستی کەمکردنەوەی قەرەباڵغی شەقامەکانە و “ئه‌و شۆفێرانه‌ى پابه‌ندى ئه‌م بڕیاره نه‌بن، تووشی لێپرسینه‌وه‌ی یاسایی ده‌بنه‌وه”.
دوێنێ سێ شەممە ١٣ـی ئەیلوولی ٢٠٢٢، یەکەم زەنگی دەستپێکردنی ساڵی نوێی خوێندن ٢٠٢٢-٢٠٢٣ لە خوێندنگەکانی کوردستان لێدرا و ئەمڕۆ یەکەم ڕۆژی دەوامیی خوێندنگاکانە و بەهۆی زۆریی ئۆتۆمبێل و جەنجالیی شەقامەکان، قەرەباڵغییەکی زۆر لەسەر شەقام دروستدەبن.
