وەزارەتی کارەبا لە راگەیاندراوێکدا ئەوەی ئاشکرا کردووە، تەنها لە مانگی ئابی رابردوو، وەڵامی 36 سکاڵا و داواکاریی هاووڵاتییان داوەتەوە، کە بەرێگەی خزمەتگوزاریی سیستەمی ئۆنلاین و پەیوەندیی تەلەفۆنییەوە، پێشکەشکراون و “لەرێگەری تیمەکانمانەوە بەدواداچوونیان بۆ کراوە”.
داتاکان بەمشێوەیەن:
١٥ سکاڵا، چارەسەر کراون.
٤ سکاڵا، پێشنیار، تێبینی و دۆسیەی دووبارەبوون.
٢ سکاڵا، بۆ وەلامدانەوە پێویستیان بە زانیاریی زیاتر هەبوو.
١٥ سکاڵا، بەدواداچوونی بۆ دەکرێت.
سکاڵا و داواکارییەکان لەم بوارانەدا بوون:
- کێشەی پێوەری زیرەک.
- کێشەی فرۆشیاران و هەڵەی خوێندنەوە.
- گەڕانی ژمێریاران لە گەڕەکەکان.
- گەیاندنی کارەبا بۆ شوێنەکان.
- سەرپێچی و ڕۆتین.
وەزارەتی کارەبا، داوا لە هاووڵاتییان دەکات “بۆ چارەسەرکردنی کێشە و گرفتەکان و بەداواچوونیان، لەرێگەی سیستەمی خزمەتگوزاریی ئۆنڵایین و پەیوەندیی تەلەفۆنییەوە، سکاڵا و داواکارییەکانیان بگەیننە بەڕێوەبەرایەتیی چاودێری و بەدواداچوون”.
Facebook Comments Box
