هەڵەبجە.. دوو سەنتەر بۆ منداڵانی خاوەن پێداویستی تەیبەت دەکرێتەوە
وەزیری کار و کاروباری کۆمەڵایەتی، لە شاری هەڵەبجە، دوو سەنتەری بە “منداڵانی خاوەن پێداویستی تەیبەت”ی کردەوە و ڕایگەیاند ” ئەو منداڵانەى لەم سەنتەرانە وەردەگیرێن هەموو راهێنانێکى پێویستیان بۆ دەکرێت و پەرە بە تواناکانیان دەدرێت”
ئەمڕۆ پێنج شەممە ١٥ی ئەیلوولی ٢٠٢٢، کوێستان محەممەد وەزیری کار و کاروباری کۆمەڵایەتی. حکوومەتی هەرێمی کوردستان. لە میانەی کردنەوەی ئەو دوو سەنتەرە دا رایگەیاند ” ئەمڕۆ دوو سەنتەرى ئۆتیزم و شیاندنى منداڵى خاوەن پێداویستى تایبەتمان لە هەڵەبجە کردەوە کە دوو سەنتەرى زۆر گرنگن. چوونکە قورسترین خاوەن پێداویستى تایبەت ئۆتیزمە و ئەرکى زۆریان لەسەر باوانیانە. سەنتەرى شیاندنى خاوەن پێداویستى تایبەتیش بۆ ئەو منداڵانەیە کە ئیفلیجى مێشک (شەلەل دەماغ) یان کێشەى پەلەکانیان هەیە و تائێستا نەتوانراوە لە سەنتەرە ئەهلیەکان یان لە شوێنێکى تایبەت راهێنانیان بۆ بکرێت، بەڵام لەم سەنتەرانەى ئێمە لەمەودوا راهێنانى بەردەوامیان بۆ دەکرێت و کار لەسەر پەرەپێدانى تواناکانیان دەکرێت و کۆبونەوەى بەردەوام لەگەڵ دایک و باوکیان دەکرێت بۆئەوەى ئەوانیش بە هەمان شێوە لە ماوەڵەوە راهێنانەکیانیان پێ بکەن”
خاتوو “کوێستان” لە بارەی دامەزراندی کارمەندان لەو سەنتەرانە و ئەو کارمەندای وابڕیارە لە سەید سادق دابمەزرین، ئاشکرایکردوو وتی “: لە چەند رۆژى داهاتودا دامەزراندنى فەرمانبەرانى سەنتەرەکان و دەستەبەرى کۆمەڵایەتى هەڵەبجە تەواو دەبێت، ئەوەى سەید سادقیش ناوەکان و خاڵەکان جیادەکرێتە، هەمو دەرچویەک مافى دامەزراندنى هەیە، بەڵام وەرگرتنى ئەو کەسانە بۆ سەنتەر و دامەزراوەکانى ئێمە دیارى کراون، بۆئەوەش لیژنەکان ئەو رێکارەى لیژنەى تایبەتمەندى ئێمە بۆ دامەزراندن گرتویەتیە بەر بۆئەوەیە دادپەروەى و شەفافیەت رەچاو بکرێت”
لە درێژەی قسەکانی وەزیری کار و باری کۆمەڵایەتی ، لەبارەی دەستێوەردانی حزبی لە دامەزراندنی ئەو فەرمان بەرانە لە دریژەی قسەکانی رایگەیاند “نەمانهێشتوە هیچ کەس و حیزب و لایەنێک دەستوەردان بکات و کەسى شایستە بەپێى خاڵبەندی دادەمەزرێن”
سەنتەری تایبەت بە منداڵانی ئۆتیزم لە هەڵەبجە بە وێنە:
