چوارچێوه‌ی هاوئاهه‌نگی: كاندیدی ئێمه‌ مه‌حمه‌د شیاع سوودانییه‌

چوارچێوه‌ی هاوئاهه‌نگی كۆبووه‌وه‌ و رایگه‌یاند، تاكه‌ كاندیدی ئه‌وان بۆ پۆستی سه‌رۆك وه‌زیران مه‌حمه‌د شیاع سوودانییه‌.

چوارچێوه‌ی هاوئاهه‌نگی له‌ دوای كۆبوونه‌وه‌ی ئه‌مڕۆ دووشه‌ممه‌ 19ی ئه‌یلوولی 2022، به‌یاننامه‌یه‌كی بڵاو كردووه‌ته‌وه‌ و ده‌ڵێت،” تاكه‌ كاندیدی ئێمه‌ بۆ پۆستی سه‌رۆك وه‌زیران مه‌حمه‌د شیاع سوودانییه‌”.

چوارچێوه‌ی هاوئاهه‌نگی ئه‌وه‌یشی راگه‌یاند، له‌گه‌ڵ هاوپه‌یمانه‌كانی ئاماده‌كاری بۆ ئه‌و ده‌ستپێكردنه‌وه‌ی كاره‌كانی په‌رله‌مانی عێراق و ئه‌ركه‌ ده‌ستوورییه‌كان ده‌كات.

هاوكات ئه‌مڕۆ له‌ پیرمام كۆبوونه‌وه‌ی نێوان مه‌سعوود بارزانی سه‌رۆكی پارتی دیموكراتی كوردستان و بافڵ تاڵه‌بانی سه‌رۆكی یه‌كێتی نیشتمانی كوردستان، له‌باره‌ی پرسی سه‌رۆككۆمار و پێكهێنانی حكوومه‌تی نوێ عێراق له‌ پیرمام به‌رێوه‌چوو، به‌پێیی زانیارییه‌كان نزیكبوونه‌وه‌ی ته‌واو له‌نێوان ئه‌و دوولایه‌نه‌ هه‌یه‌ بۆ چاره‌سه‌ری كێشه‌كانی نێوانییان.