بە فەرمانی سەرۆکی حکوومەت سێ بەڕێوبەرایەتی نوێ دەکرێتەوە

بە فەرمانی مەسروور بارزانی سەرۆکی حکومەتی هەرێمی کوردستان سێ بەڕێوبەرایەتی نوێ بۆ وەزارەتی کارەبا دەکرێتەوە.

بەپێی نووسراوێکی فەرمی کە واژوی مەسروور سەرۆکی سەرۆکی حکومەتی کوردستانی لەسەرە و بۆ ڕێککەوتی ٢ی ئەیلولی ٢٠٢٢ دەگەڕێتەوە، سێ بەڕێوبەرایەتی نوێ بۆ وەزارەتی کارەبا لە هەرسێ ئیدارەی سەربەخۆی زاخۆ، سۆران و ڕاپەڕین بنیاتدەنرێن.

لە نووسراوەکەدا ئاماژە بەوە کراوە، لەسەر داواکاری وەزارەتی کارەبا و بەمەبەستی کەمکردنەوەی ڕۆتین و باشتر ڕایی کردنی کاروباری هاوڵاتیان و برەودانی زیاتر بە سێکتەری کارەبا لە سنووری هەرسێ ئیدارەی سەربەخۆی زاخۆ، سۆران و ڕاپەڕین سێ بەڕێوبەرایەتی نوێ بنیاتدەنرێن.