سه‌رۆكی حكوومه‌تی هه‌رێمی كوردستان له‌گه‌ڵ فه‌رمانده‌یی گشتی هێزه‌كانی هاوپه‌یمانان له عێراق و سوریا، كۆبووه‌وه.
مه‌سروور بارزانی سه‌رۆكی حكوومه‌تی هه‌رێمی كوردستان، ئه‌مڕۆ چوارشه‌ممه 21ی ئه‌یلوول، پێشوازی له ژه‌نه‌راڵ ماتیۆ ماكفه‌رلین فه‌رمانده‌ی گشتیی هێزه‌كانی هاوپه‌یمانان له عێراق و سووریادا كرد.
له كۆبوونه‌وه‌كه‌دا، دوایین پێشهات و گۆڕانكارییه‌كانی بارودۆخی گشتیی عێراق و ناوچه‌كه و به‌رده‌وامبوونی پشتیوانیكردنی هێزی پێشمه‌رگه له به‌ره‌نگاربوونه‌وه‌ی تیرۆر و هه‌ڕه‌شه‌كانی تیرۆریستانی داعش تاوتوێ كرا.
هه‌روه‌ها جه‌خت له گرنگیی په‌ره‌پێدانی پێوه‌ندیی و هاوئاهه‌نگی نێوان پێشمه‌رگه و سوپای عێراق له‌گه‌ڵ هێزه‌كانی هاوپه‌یمانان كرا له پێناو پاراستنی ئاسایش و سه‌قامگیریی عێراقدا.
Facebook Comments Box
