مەکتەبی سیاسی پارتی بە سەرپەرشتی مەسعود بارزانی سەرۆکی پارتی دیموکراتی کوردستان کۆدەبێتەوە و پەیوەندییەکان لەگەڵ یەکێتی تاوتوێ دەکات.
بەپێ سەرچاوەیەکی باوەڕ پێکراو، ئەمڕۆ پێنجشەممە 22/12/2022، مەکتەبی سیاسی پارتی دیموکراتی کوردستان بە سەرپەرشتی مەسعود بارزانی کۆدەبێتەوە. پەیوەندییەکان لەگەڵ یەکێتی، چارەسەرکردنی ناکۆکییەکان، دۆخی هەرێمی کوردستان و عێراق و ناوچەکە تاوتوێ دەکات.
ئەمە لەکاتێکدایە دوێنێ تیمی یەکێتی نیشتمانی کوردستان، بەشداری کۆبوونەوەی ئەنجومەنی وەزیران کرد و سەرچاوەکە ڕایگەیاند: کەشێکی ئەرێنی لەنێوان هەردوو تیمی پارتی و یەکێتی لە حکومەت هەیە و کۆبوونەوەش لەنێوان هەردوولادا بەردەوامە.
سەرچاوەکە گوتیشی: تیمی پارتی و یەکێتی لە حکومەت لەسەر گۆڕانکارییەکان لە حکومەت و پەرلەمان لێکتێگەیشتنی باشیان هەیە.
میدیا مەگەزین
Facebook Comments Box
