به‌هۆی خراپ به‌كارهێنانی ده‌سه‌ڵاته‌كانییه‌وه، ده‌سته‌ی ده‌ستپاكی عێراق بانگهێشتی خالید شوانی، وه‌زیری دادی عێراق ده‌كات و لێكۆڵینه‌وه‌ی له‌گه‌ڵدا ده‌كرێت.
ئه‌مڕۆ چوارشه‌ممه (4ـی كانوونی دووه‌م/یه‌نایری 2023)، ده‌سته‌ی ده‌ستپاكی عێراق له راگه‌یه‌ندراوێكدا ئاماژه‌ی به‌وه‌كردووه، به‌هۆی خراپ به‌كارهێنانی ده‌سه‌ڵاته‌كانیانه‌وه فه‌رمانی بانگهێشتكردن بۆ هه‌ر یه‌ك له خالید شوانی، وه‌زیری ئێستای دادی عێراق و به‌ڕێوه‌به‌ری مۆڵه‌تی ئه‌منی له وه‌زاره‌تی داد ده‌رچووه.
به‌گوێره‌ی راگه‌یه‌ندراوی ده‌سته‌ی ده‌ستپاكی عێراق، فه‌رمانه‌كه له‌لایه‌ن دادگای دووه‌می كه‌رخه‌وه ده‌رچووه، كه تایبه‌ته به لێكۆڵینه‌وه‌كردن له دۆسیه‌كانی تایبه‌ت به گه‌نده‌ڵی.
له راگه‌یه‌ندراوه‌كه‌دا ده‌سته‌ی ده‌ستپاكی ئاماژه‌ی به‌وه‌كردووه، به‌هۆكاری ئه‌وه‌ی وه‌زیری داد و به‌ڕێوه‌به‌ری مۆڵه‌تی ئه‌منی له وه‌زاره‌ته‌كه رێگریان لە جێبەجێکردنی بڕیاری دادوەری لێکۆڵینەوەی دادگای دووه‌می كه‌رخ لە دۆسیەی تایبه‌ت به پێدانی خوراك به زیندانییان و دەستبەسەرکراوان، هەروەها ره‌تیانكردووه‌ته‌وه بەڵگەنامەی پێویست به تیمی ده‌سته‌ی دەستپاکی بده‌ن، فه‌رمانی بانگهێشتكردنیان بۆ ده‌رچووه.
میدیا مەگەزین
