بەبۆنەی هاتنی جەژنی یارانی قەوڵتاس، مەسعود بارزانی پیرۆزبایی لە پێکهاتەی کاکەیی (یارسانەکان) دەکات.
له به‌شێكی په‌یامه‌كه‌ی مەسعود بارزانیدا هاتووه: هیوادارم خوشک و برا کاکەییەکان و هەموو پێکهاتە ئایینی و نەتەوەییەکانی کوردستان، هەمیشە بۆنە و جەژنەكانیان لە سایەی ئاسوودەیی و ئارامی و دوور لە ناخۆشی و نەهامەتیدا بکەنەوە.
ده‌قی په‌یامه‌كه‌ی مەسعود بارزانی:
بەناوی خودای بەخشندە و میهرەبان
بە بۆنەی هاتنەوەی جەژنی سێ شەوەی یاران (جەژنی قەوڵتاس)ـی كاكەییەكان پیرۆزبایی خۆم ئاراستەی سەرجەم خوشك و برایانی كاكەیی لە كوردستان و هەموو جیهان دەكەم.
هیوادارم خوشک و برا کاکەییەکان و هەموو پێکهاتە ئایینی و نەتەوەییەکانی کوردستان هەمیشە بۆنە و جەژنەكانیان لە سایەی ئاسوودەیی و ئارامی و دوور لە ناخۆشی و نەهامەتیدا بکەنەوە.
لەو بۆنەیەدا جەخت لە فەرهەنگی ئاشتیخوازی و پێکەوەژیانی گەلی کوردستان دەکەینەوە.
بمێنن لە خێر و خۆشیدا.
مسعود بارزانی
7ی کانوونی دووەمی 2023
میدیا مەگەزین
