بەهۆی کۆچی دوایی هونەرمەند عومەر چاوشین، مەسعود بارزانی پرسەنامەیەکی بڵاوكرده‌وه، تێیدا رایده‌گه‌یه‌نێت، خوالێخۆشبوو لە بواری هونەری شانۆ و درامای كوردیدا، دڵسۆزانە خزمەتێكی بەرچاوی كردووە.
ده‌قی پەیامی سەرەخۆشیی مەسعود بارزانی:
بەناوی خودای مەزن و دلۆڤان
بەداخێكی زۆرەوە هەواڵی كۆچی دوایی کەسایەتیی ناسراو و هونەرمەندی کورد (عومەر چاوشین)ـم پێ گەیشت.
خوالێخۆشبوو عومەر چاوشین لە بواری هونەری شانۆ و درامای كوردیدا دڵسۆزانە خزمەتێكی بەرچاوی بە هونەری میللەتەكەی كردووە، پرسە و سەرەخۆشیی خۆم ئاراستەی خانەوادە و كەسوكار و هونەرمەندانی كوردستان دەكەم و خۆم بە هاوبەشی خەمیان دەزانم.
لە خودای گەورە داواكارم گیانی خوالێخۆشبوو كاك عومەر چاوشین بە بەهەشتی بەرین شاد بكات و سەبر و ئارامی بە هەموو لایەك ببەخشێت.
انا للە و انا الیە راجعون
مەسعود بارزانی
16ـی كانوونی دووەمی 2023
میدیا مەگەزین
