قاچاخچییەک تەقە لە دوو کارمەندی چاودێریکردنی بازگەکانی کەرکووک كرد و یەکێکیان بریندار كرد.
ئه‌مڕۆ سێشه‌ممه (17ـی كانوونی دووه‌م/یه‌نایه‌ری 2023)، موقەدەم عامر شوانی، گوتەبێژی پۆلیسی کەرکووک بە كوردستان24ـی راگەیاند، لەسەر رێگەی پشتێنەیی کەرکووک دوو کارمەندی بازگه‌یه‌ك ھەوڵیانداوە شوفێرێ بارھەڵگرێک رابگرن بۆ لێکۆڵینەوە، بەڵام شۆفێرەکە نەوەستاوە و تەقەی لەو دوو کارمەندە کردووە.
گوته‌بێژی پۆلیسی كه‌ركووك ئه‌وه‌شی خسته‌ڕوو، یەکێک لەو کارمەندانە گـولـلـه بەر دەستی کەوتووە و برینداربووە، بەڵام برینەکەی سووکە.
له‌باره‌ی شۆفێری ئه‌و بارهه‌ڵگره‌ش كه پۆلیسێكی بریندار كردووه، به‌گوته‌ی موقه‌دم عامر شوانی، “شۆفێرەکە بەرەو شوێنێکی نادیار ھەڵھاتووە.”
میدیا مەگەزین
Facebook Comments Box
