بەرپرسانی کالیفۆرنیا رایانگەیاند، بەهۆی رووداوی تەقەکردنێکەوە لە ماڵێکدا لە کالیفۆرنیا شەش کەس گیانیان لە دەستداوە.
بەرپرسانی کالیفۆڕنیا ئاماژەیان بەوەشکردووە، کۆرپەیەکی تەمەن شەش مانگ و دایکە تەمەن ١٧ ساڵەکەی لە نێو کوژراوەکاندا بوون، دەشڵێن، “تەقەکردنەکە هێرشێکی بە ئامانج و کۆمەڵکوژییەکی ترسناک بووە.”
مایک بۆردۆ سەرۆکی پۆلیسی شارۆچکەی تولار ئەو شارۆچکەیەی رووداوەکە تیایدا روویداوە رایگەیاند، کوشتنەکە پەیوەندی بە بازرگانی نایاسایی دەرمانەوە هەیە و وتی ئەفسەرانی پۆلیس هەفتەی ڕابردوو هەمان ئەو ماڵەیان پشکنیوە بۆ دەرمان.
بۆردۆ وتوشیەتی، “باوەڕمان وایە ئەمە پەیامێک بووە و نێردرا. باوەڕمان وایە ئەم خێزانە کراونەتە ئامانج.”
باسی لەوەشکردووە، هێرشەکان لە گۆشین روویانداوە، ناوچەیەکی جووتیارییە و پێنج هەزار و ٤٠٠ کەسی تیادا دەژی، دەکەوێتە ناوەڕاستی رێگای نێوان لۆس ئانجلس و سان فرانسیسکۆوە.
ئەوەش ئاشکرا کراوە کە تەنها، دوو ئافرەت رزگارییان بووە، ئەوەش بەهۆی ئەوەی خۆیان حەشارداوە.
میدیا مەگەزین
