بەڕێوەبەرایەتیی گشتی بەرگریی شارستانیی عێراق، لە شاری بەغدا و سەرجەم پارێزگاكانی تری ناوەڕاست و باشووری عێراق، زەنگ (ئینزار)ی ئاگاداركردنەوە و هۆشداریی لێ دا.
ئەمڕۆ پێنجشەم نۆی شوبات، بەڕێوەبەرایەتیی گشتی بەرگریی شارستانیی عێراق لە 12 پارێزگای عێراق، لەسەر فەرمانی وەزیری ناوخۆ، زەنگی هۆشداری و ئاگاداركردنەوی بۆ تاقیكردنەوەی سەرەتایی لێ دا.
لێدانی زەنگەكە لە سەعات 11ـی نیوەڕۆ بوو و لەڕێی ئامێری دەنگبەزركەرەوە لێ درا، تیمەكانی بەرگریی شارستانی ئامێری دەنگبەرزكرنەوەی ئۆتۆمبێلەكانیشیان بەكار هێنا و تاقیكردنەوەیان بۆ ئامێرەكان كرد.
دوێنێ وەزارەتی ناوخۆی عێراق ئاگادارییەكی بڵاو كردەوە كە زەنگی مەترسی تاقی دەكاتەوە، داواشی لە هاووڵاتییان كرد كە ئاگاداربن و تووشی دڵەڕاوكێ نەبن، چونكە ئەم زەنگە تەنیا بۆ تاقیكردنەوەیە و تەنیا یەكجاریش لێ دەدرێت.
بڕیاریشە لەمەودوا لە كاتی ڕوودانی بوومەلەرزە و هەر كارەساتی سروشتی لەناكاو، لێ دەدرێت بەمەبەستی ئاگاداركردنەوەی هاووڵاتییان.
لە سەرەتای ئەم هەفتەیە بوومەلەرزەیەك لە توركیا و سووریا رووی دا، تا ئێستە زیاتر لە 16 هەزار گیان لەدەستدان هەیە لەگەڵ سەرووی 25 هەزار بریندار.
