لەدوای روخانی چەندین باڵەخانە لە شاری کەهرەمان مەرعەشی تورکیادا، باڵەخانەیەك بوو بە جێگەی سەرنج کە بەرگەی بومەلەرزە روخێنەرەکەی گرتوە و وەك باڵەخانەکانی تەنیشتی نەڕوخاوە.
باڵەخانەی “ئەندازیارانی مەدەنی” لە شاری کەهرەمان مەرعەشی تورکی بەرگەی بومەلەرزە بەهێزەکەی گرت، بەهۆی ئەوەی بناغەیەکی باشی هەیە و بەپێی بەرزترین بنەماکانیی ئەندازیاریی دروستکراوە.
سەرۆکی دەستەی بەڕێوەبردنی ژوری ئەندازیارانی کارەبایی لەو ناوچەیە بەناوی “ئۆڵوتاش” وتوویەتی، “نەڕوخانی ئەو باڵەخانەیە دەگەڕێتەوە بۆ بناغەی دروست و بەهێزی مەوادەکانیی پێکهاتەی، تەنانەت لەو بومەلەرزە بەهێز و گەورەیەشدا هەندێك باڵەخانە هەن کە دەتوانن بەرگە بگرن بەهۆی بناغە بەهێز و چاکەکەیانەوە، ئەمەش دەکرێت لەرێگەی دروست بەکارهێنانی ئەندازیاری و زانست و تەکنەلۆژیاوە بەدەستبهێنرێت”.
هەروەها ئۆڵۆتاش وتوویەتی، “ئەو باڵەخانەیەی کە لە وێنەکەدا هەیە پێویست بە قسەکردن ناکرێت لەسەری، تەنها زانست و ئەندازیاریی بەسن بۆئەوەی باڵەخانەیەك بتوانێت بەرگەی ئەو بومەلەرزە روخێنەرە بگرێت”.
ئەو باڵەخانەیە کە وا دروستکراوە بەرگەی بومەلەرزە بگرێت تەنانەت شوشەی پەنجەرەکانیشی نەشکاون، لەکاتێکدا باڵەخانەکانیی دەورووبەری بەتەواوەتی بە زەوییەوە وەستاون.
