رێکخراوی تەندروستی جیهانی ئاشکرایکرد، بوومەلەرزەکەی تورکیا و سووریا خراپترین کارەساتی سروشتییە لە 100 ساڵی رابردوو.
هانس کلوج بەڕێوەبەری رێکخراوی تەندروستی جیهانی له ئەوروپا رایگەیاند، گەواهی ئەوە دەدەن بوومەلەرزەکەی تورکیا و سووریا خراپترین کارەسات بووە، لە ماوەی 100 ساڵی رابردوو.
جەختیشیکردەوە، 22 تیمی فریاکەوتنی رێکخراوی تەندروستی جیهانی لە شوێنی بوومەلەرزەکەن لە تورکیا.
ئاماژەی بەوەشدا، پێویستی لێقەوماوان گەورەیە و سات بە سات داواکارییەکانیشیان زیاتر دەبن و تاکو ئێستا 26 ملیۆن هاووڵاتی لە تورکیا و سووریا پێویستیان بە هاوکاری مرۆیی هەیە.
له‌لایه‌كی دیكه‌وه رێكخراوی یونیسێف بڵاویکردەوە، بەهۆی بوومەلەرزەکانی باکووری کوردستان و تورکیا و رۆژئاوای کوردستان و سووریا زیاتر لە 7 ملیۆن منداڵ زیانیانبەرکەوتووە.
ئاماژەی بەوەشدا، لەو رێژەیەش 4 پۆینت 6 ملیۆن منداڵ لە تورکیان و 2 پۆینت 5 ملیۆنیش لە سووریا زەرەرمەندبوون و ترسیشیان لەوەیە رێژەی ئەو منداڵانەی بوونەتە قوربانی، بەرزبێتەوە.
رۆژی دووشەممە (6ـی شوبات/فێبرایه‌ری 2023)، بوومه‌له‌رزه‌یه‌ك بە گوڕی 7.4 به پلەی رێختەر چه‌ند ناوچه‌یه‌كی باكووری كوردستان و توركیا، هه‌روه‌ها رۆژئاوای كوردستان و سووریای هەژاند، بووه هۆی گیانله‌ده‌ستدان، و برینداربوون و بێسه‌روشوێنبوونی هه‌زاران كه‌س.
میدیا مەگەزین
