دوای ئەوەی لە 6ی شوبات بوومەلەرزەیەكی بەهێز لە 10 شاری توركیای دا و زیاتر لە 41 هەزار كەسی كوشت، دوێنێ 20/2/2023، دوو بوومەلەرزەی تر، بە رێختەری 6.4 و 5.8شاری هەتای هەژاند و چەندین باڵەخانە رووخا و چەندین كەسیش گیانیان لەدەست دا.
بە گوێرەی نویترین زانیاری لەبارەی قوربانیانی ئەو دوو بوومەلەرزەیە، شەش كەس گیانیان لەدەست داوە و 294 كەسیش بریندار بووە.
فەخرەدین كۆجا، وەزیری تەندروستیی توركیا بڵاوی كردەوە: ژمارەی قوربانیی دوو بوومەلەرزەكەی هەتای بەرز بووەتەوە، كە شەش كەس گیانی لەدەست داوە و 294 بریندارن، هەروەها لەو رێژەیە 18 كەسیان برینەكەیان زۆر سەختە و رەوانەی نەخۆشخانە كراون.”
كۆجا ئاماژەی دا، تیمەكانیان بەردەوامن لە گەڕان بەدوای ئەو كەسانەی كەوتوونەتە ژێر باڵەخانەكان و دەڵێت بە چڕی گەڕان و پشكنین دەكەن.
Facebook Comments Box
