ئێوارەی ئەمڕۆ سێشەممە 21/2/2023، مەسرور بارزانی، سەرۆکی حکوومەتی هەرێمی کوردستان، لە پەیوەندییەکی تەلەفۆنیدا، پرسە و سەرەخۆشی لە بنەماڵەی شەهید عەقید هاوکار جاف کرد بۆ کۆچی دوایی خوالێخۆشبوو سیامەند عەبدوڵلای برای.
سەرۆکی حکوومەتی هەرێمی کوردستان هاوخەمی خۆی پێگەیاندن و هیوای خواست، خوای مەزن گیانی بە بەهەشت شاد بکات و سەبر و ئارامییش بە بنەماڵەکەیان ببەخشێت.
هەروەها سەرۆکی حکوومەت، دووپاتی کردەوە کە کەیسی تیرۆر کردنی شەهید هاوکار جاف، دەبێت ڕێچکەی یاسایی خۆی وەربگرێت و ئەنجامدەرانی ئەم تاوانە، بە سزای یاسایی خۆیان بگەن.
Facebook Comments Box
