یەکێتی، پەیامەکەی مەسعود بارزانی بە گرنگ و جێی بایەخ وەسف دەکات

ئەندامێکی سەرکردایەتیی یەکێتی: پەیامەکەی کاک مەسعود بۆ کۆبوونەوەی یەکێتی و پارتی راست و گرنگە

رێبوار تەها، ئەندامی ئەنجوومەنی سەرکردایەتیی یەکێتی، راگەیاند: پەیامەکەی سەرۆک بارزانی بە گرنگ و جێی بایەخ وەسف دەکات و دەڵێ: داواکارم هەمان پەیام بۆ ناوچەکانی کەرکووک و خانەقین و شنگال و خورماتوو هەبێت و کۆبوونەوەی فراوان بۆ چاککردنی رەوشی ئەو ناوچانە بکرێت.

گوتیشی: بەتەواوی گوێم لە پەیامەکەی جەنابی کاک مەسعود بارزانی گرت، هەندێک شتی تێدابوو کە دڵخۆشکەر بوون، ئەو بانگەوازەی بۆ لایەنە کوردییەکان و بەتایبەت مەکتەبی سیاسیی یەکێتی و پارتی بۆ کۆبوونەوە، زۆر گرنگە، دەرخەری ئەوەیە، ئەو دوو حزبە سەرەکییە لە گۆڕەپانی سیاسییدا ئەگەر پێکەوە کار بکەن، دەستکەوتی باش بەدەست دێت.