له‌ ئاهه‌نگێكی هاوسه‌رگیریدا دەبێتە شەر و 11 كه‌س بریندار ده‌بن.

له‌ ئاهه‌نگێكی هاوسه‌رگیریدا لە نێوان دوو بنەماڵە ده‌بێته‌ شه‌ڕ و به‌هۆیه‌وه‌ 11 كه‌س بریندار ده‌بن.

سه‌رچاوه‌ ئه‌منییه‌كان له‌ شاری ماردین له‌ باكووری كوردستان به‌ میدیاكانیان راگه‌یاند: “پێشتر ئه‌و دوو بنه‌ماڵه‌یه‌ ناكۆكییان هه‌بووه‌ و له‌ ئاهه‌نگه‌كه‌دا رووبه‌ڕووی یه‌كتر بوونه‌ته‌وه‌ و بووەتە شەڕ و پێکدادانیان.”

ئاماژه‌یان به‌وه‌ش كردووه‌، شەڕكه‌ره‌كان به‌ مێز و کورسی له‌یه‌كتریان داوه‌ و دواتر چەکی تێدا بەکارهێندراوە، له‌ ئه‌نجامیشدا 11 کەس بریندار بوون كه‌ به‌رینی هه‌ندێكیان سه‌خته‌ و بۆ نه‌خۆشخانه‌ گواستراونه‌ته‌وه‌.