نۆ کەس بریندار بوون

پۆلیسی پارێزگای سلێمانی رایگەیاند، لە شەڕی نێوان دوو گرووپدا، نۆ کەس برینداربوون و پۆلیس 18کەسی دەستگیرکردووە.

سەرکەوت ئەحمەد، گوتەبێژی پۆلیسی پارێزگای سلێمانی رایگەیاند، کاژێر 3:00ی ئێوارەی ئەمڕۆ، دوو گرووپ کە هەر گرووپە و خزم و کەسی یەکدی بوون، لەنێو شاری سلێمانی بووە بە شەڕیان و نۆ کەس لە هەردوولا برینداربوون.

بریندارەکان، وەک سەرکەوت ئەحمەد دەڵێت، “شوێنی چەقۆ و گولـلەی دەمانچە بە جەستەیانەوەیە و رەوانەی نەخۆشخانە کراون.”