پیاوێک ژنێک و منداڵەکەی دەکوژێت و تەرمەکانیان دەشارێتەوە

لە بەغدا دوای دوو هەفتە لە کوشتنی ژنێک و منداڵەکەی، ئەمرۆ تاوانبارەکە دەستگیرکرا.

وەزارەتى ناوخۆى عێراق لە راگەیێندراوێکدا ئاشکرایکرد، تۆمەتبارێکیان لە یەکێک لە ناوچەکانى بەغداى پایتەخت دەستگیرکردووە، کە ژنێک و منداڵە ساوەکەى پێکەوە کوشتووە و لەیەکێک لە ژوورەکانى خانوویەکدا خستوونییەتە ژێر گڵەوە. 
 
وەزارەتى ناوخۆ ئاماژەى بەوەداوە لە دواى دوو هەفتە لەو رووداوە تۆمەتبارەکە دەستگیرکراوەو دانى بەوەدا ناوە، کە بە مەبەستى دەستکەوتنى پارە ئەو ژنە و منداڵەکەى کوشتووە.

بەگوێرەى راگەیێندراوەکە، ئەو تۆمەتبارە لە نێوان پارێزگاکانى عێراقدا هاتووچۆى کردووە وەک هەوڵێک بۆ دەرباز بوون لە دەستگیرکردنى.