لە سلێمانی رێگری دەکرێت لە پرۆژەکانی حكومەت

رێگریكردن لە پڕۆژەكانی حكومەت زیانی بە هاووڵاتییان و بازرگانانی ئەوشارە گەیاندووە.

عەلی محەمەد، فرۆشیاری کەلوپەلی بیناسازی لە سلێمانی وتی: “ئەگەر رێگە لە حكومەت نەگیرێت پڕۆژە جێبەجێ بكات، زۆرترین كاری رۆژانەمان دەبێت، چونکە كاری ئێمە پەیوەستە بە دوو شتەوە، بە پلەی یەكەم پڕۆژەكانی حكومەت و بە پلەی دووەم هاووڵاتییان بۆ كردنەوەی بینا.”

وتیشی: “ئەگەر حكومەت پڕۆژە ئەنجام نەدات و رێگری لێ بکرێت و حزبیش لێرە کە یەکێتییە نابێتە جێگرەوەی حكومەت بۆ پڕۆژە، ئەوە هیچ لە بەرژەوەندی ئێمەدا نییە.”