پلەی گەرما ڕوو لە دادەبەزین دەکات

بەگوێرەی پێشبینییەکانی کەشناسی، لە رۆژی شەممەوە پلەی گەرما بەراورد بە رۆژانی رابردوو روو لە دابەزین دەکات.

بەشی پێشبینی لە بەڕێوەبەرایەتی کەشناسی و بومەلەرزەزانی هەرێمی کوردستان، ئەمڕۆ هەینی 11/8/2023، ئاسمان ساماڵ دەبێت لەگەڵ بوونی پەڵە هەوری جیاجیا و پلەی گەرما نزیک دەبێتەوە لە تۆمارکراوەکانى دوێنێ.

کەشناسی لەبارەی کەشوهەوای سبەى رایگەیاندووە، رۆژی شەممە ئاسمان ساماڵ دەبێت و پلەى گەرما بە گشتی کەمێک نزم دەبێتەوە بە رێژەى ( 1- 2) پلە بە بەراورد لە تۆمارکراوەکانى ئەمڕۆ.

بەرزترین پلەکانی گەرمای پێشبینیکراو بە پلەی سیلیزی:

هەولێر: 46 پلەى سیلیزى

سلێمانی: 44 پلەى سیلیزى

دهۆک: 45 پلەى سیلیزى

کەرکوک: 48 پلەى سیلیزى

هەڵەبجە: 46 پلەى سیلیزى

زاخۆ: 46 پلەى سیلیزى

حاجی ئۆمەران: 34 پلەى سیلیزى

گەرمیان: 49 پلەى سیلیزى