تەمەنی دروست چەندە بۆ لەسەر پێ رۆیشتنی منداڵ؟

تەمەنی ئاسایی بۆ فێربوونی بەپێ رۆیشتن یاخود پێگرتن لە منداڵدا لەنێوان ساڵێک بۆ ساڵێک و سێ مانگ دایە، رەنگە منداڵ لەو تەمەنە زووتر یاخود هەندێ درەنگتر پێ بگرێت.

لە هەندێک کتێبی زانستیدا نووسراوە؛ لەگەڵ یەکەم ساڵڕۆژی لەدایکبوونی منداڵدا، رەنگە ئەو رۆژە چەند شەقاوێک بڕوات واتە ”خۆشیەکە بکات بە دوو”.

منداڵ گەر گەیشتە تەمەنی ساڵ و نیو و پێی نەگرتبوو بە دواکەوتوو هەژماردەکرێت، هەروەها ئەگەر لەو تەمەن نەتوانێ لەسەر قاچەکانی بوەستێت، ئەوا نیشانەیەکی ئاگادارکەرەوەی ترسناکە و پێویستە بەدوای هۆکار و چارەسەردا بگەڕێین.

د. بەڵێن کەریم، پسپۆری نەخۆشییەکانی منداڵان