رۆژهه‌لاتی ناوه‌راستگرنگ
لە عێراق دوو درۆن ئاراستەی هێزەکانی ئەمریکا کران
ئاژانسی رۆیتەرز بڵاویکردەوە، بەرەبەیانی ئەمڕۆ سوپای ئەمەریکا لە عێراق شکست بە هێرشێکی درۆنی دەهێنێت و دوو درۆن دەخاتە خوارەوە.
دوو بەرپرسی سوپای ئەمریکا لە عێراق بە ئاژانسی رۆیتەرزیان راگەیاندووە، “ئەمڕۆ بە دوو درۆن هێرش کرایە سەر هێزەکانمان لە بنکەی سەربازیی عەین ئەسەد لە سنووری پارێزگای ئەنبار و توانیمان بەرپەرچی درۆنەکان بدەینەوە.”
ئاماژە بەوەشکراوە، تا ئێستا دیارنییه چی لایه‌نێك له‌پشت ئه‌نجامدانی هێرشه‌كه‌وه بووه.
ژمارەی هێزەکانی ئەمریکا لە عێراق بە نزیکەی 2500 سەرباز مەزەندە دەکرێت، کە بە شێوەیەکی سەرەکی لە بنکەی ئاسمانیی عەین ئەسەد، کەمپی ڤیکتۆری و بنکەی ئاسمانیی هەریر جێگیر کراون.
Facebook Comments Box
