بنکەیەکی هێزەکانی ئەمریکا لەنزیک فرۆکەخانەی بەغدا کرایە ئامانج

بەگوێرەی چەند سەرچاوەیەکی ئەمنی کە قسەیان بۆ ئاژانسی هەواڵیی رۆیتەرز کردووە، درەنگانێکی شەوی رابردوو لانیکەم دوو مووشەکی کاتیۆشا لە دەورووبەری بنکە سەربازییەکە کەوتوونەتە خوارەوە، بەڵام هێرشەکە هیچ زیانێکی گیانیی نەبووە.

هێرشەکە چەند کاژێرێک دوای هێرشکردنە سەر بنکەی ئاسمانیی عەین ئەسەد هات لە ئەنبار کە هێزەکانی ئەمریکای تێدا جێگیرکراون.