مەسرور بارزانی لەبارەی مووچەی هێزە ئەمنییەکان پەیوەندی بە سەرۆکوەزیرانی عێراقەوە دەکات

لە پەیوەندییەکی تەلەفۆنیدا مەسرور بارزانی و سەرۆکوەزیرانی عێراق کێشەی مووچەی هێزە ئەمنییەکانیان تاوتوێ کرد.

ئەمڕۆ چوارشەممە، لە پەیوەندییەکی تەلەفۆنیدا، مەسرور بارزانی و محەممەد شیاع سودانی، گفتوگۆیان لەسەر مووچەی هێزە ئەمنییەکانی هەرێمی کوردستان کرد، سەرۆکوەزیرانی عێراق بەڵێنی داوە بەزووترین کات کێشەکە چارەسەر بکات.

ئەمەش لەکاتێکدایە، دوو مانگە مووچەی هێزەکانی پێشمەرگە و هێزە ئەمنییەکانی هەرێمی کوردستانی لەلایەن بەغداوە ڕەوانە نەکراوە، ئەمە سەرەڕای ئەوەی بۆ مووچەی مانگی پێنج، ڕێککەوتن لەنێوان هەردوولا کراوە، بۆ مانگی شەشیش بەگوێرەی داواکاری ئەوان لیست ڕەوانە کراوە.