ئەردۆغان بۆ یەکەم جار بەشداری لە بۆنەیەکی کوردی دەکات

وتەبێژی ئاکپارتی رایگەیاند، ئەردۆغان بەشداریی ئاهەنگی نەورۆزی ئەمساڵ دەکات.

ئەمڕۆ دووشەممە ١٧ـی ئازارـی ٢٠٢٥، عومەر چەلیك، وتەبێژی پارتی داد و گەشەپێدانی دەسەڵاتداری توركیا رایگەیاند، لە ٢١ـی ئازاردا ئاهەنگی نەورۆز دەگێڕین و رەجەب تەیب ئەردۆغانی سەرۆك كۆماریش بەشداری تێدا دەكات.

ئاماژەی بەوەشکرد، چاوەڕێی ئەوە دەکەین هەموان لە ئاهەنگی نەورۆز ئامادەبن و بەشداری بکەن، نەورۆز وەک یادێکی دێرین ئاهەنگی بۆ دەگێڕدرێت.