ئەمڕۆ سەرکردە و کەسایەتییە ئایینی و سیاسییەکان لە هەولێر دەبن

ئەمڕۆ چوارشەممە 4/23 , کاتژمێر 8:00 ی بەیانی ، بە ئامادەبوونی مەسعود بارزانی و سەرۆکی هەرێمی کوردستان و سەرۆکی حکومەتی هەرێمی کوردستان و ژمارەیەکی زۆر لە بەرپرسانی باڵا و سەرکردەکانی عێراق و هەرێمی کوردستان و جیهان و پەرلەمانتارانی وڵاتانی دنیا و نوێنەرانی حکومەتەکان لە ئەمەریکا و ئەوروپا و ڕۆژهەڵاتی ناوەڕاست، لە ژێر دروشمی ( بەرەو یەکبوون لە باوەڕدا) ،ڕۆژی نزای نیشتمانی لە کوردستان بەڕێوەدەچێت.

(رۆژی نزای نیشتمانی) بۆنەیەکی ساڵانەیە لە واشنتن دی سی دەکرێت، بە شێوەیەکی ئاسایی لە یەکەم پێنجشەممەی مانگی شوبات، بەڵام لە وڵاتان بەپێی کاتی دیاریکراوی خۆیان ساز دەکرێت. ئەم بۆنەیە سەرکردە سیاسییەکان، دیپلۆماتکاران و کەسایەتییە ئایینییەکان لە سەرتاسەری جیهان کۆدەکاتەوە.