ئەمریکا و ئێران سەبارەت بە رێککەوتنی ئەتۆمی گەیشتن بەچی؟

سەرۆکی ئەمریکا دەڵێت، کۆبوونەوەکانیان لەگەڵ ئێران لە دۆخێکی باشدایە و وتیشی نزیکن لە گەیشتن بە رێککەوتنی ئەتۆمی لەگەڵ تاران.

ئەمڕۆ دووشەممە ٢٨ـی نیسانـی ٢٠٢٥، دۆناڵد ترەمپ، باسی لەوەشکردووە، پێی وانیە پێویستیان بە هێرشکردن بێت بۆ رێککەوتن لەگەڵ ئێران و وتیشی، ئەوان کارێکی باش ئەنجامدەدەن و دڵنیایە لەوەی دەگەن بە رێککەوتنێک.

ئەوەش لە کاتێکدایە، بە نێوەندگیری دەسەڵاتدارانی عوممان نوێنەرانی ئەمریکا و ئێران سێ کۆبوونەوەیان ئەنجامداوە و هەردوولاش دەڵێن، کۆبوونەوەکانیان ئەرێنی بوون و دانوستانەکان بەرەوپێشچوون.