مەخموور.. تورکیا دوو چەکداری پەکەکە دەستگیر دەکات
تورکیا دوو چەکداری پارتی کرێکارانی کوردستان – پەکەکە. لە شارۆچکەی مەخموور دەستگیر کردووە و گواستووینەتەوە بۆ تورکیا.
ئەمڕۆ چوار شەممە ڕێککەوتی ١٤ی ئەیلوولی ٢٠٢٢. ئاژانسی هەواڵی تورکیا “ئانادۆڵ” لە ڕاگەیاندنەکانی ناوەخۆی تورکیای گواستۆتەوە. دەزگای هەواڵگری تورکیا (میت). “حەتیب گونەی” و “ئایا ئەحمەد سولەیمان”ی لە کەمپی ئاوارەکانی کوردانی باکووردی کوردستان لە شارۆچکەی مەخموور کە لەژێر دەستی لەشکری عێڕاق و چەکدارانی “حەشدی شەعبی”دایە، دەستگیرکردووە و گواستووینەتەوە بۆ تورکیا.
بەگوێرەی زانیارەکانی ئاژانسی “ئانادۆڵ”: حەتیب گونەی ساڵی ٢٠١٩ لە ساری وان-ی باکوری کوردستانەوە چۆتە ڕۆژهەڵاتی کوردستان و لەێشەوە هاتۆتە کەمپی “مەخموور”ی باشوری کوردسان و خوولی چەکداری و ئایدۆلۆژی وەرگرتووە.
ئایا ئەحمەد سولەیمان، کچە چەکدارێکی پەکەکە. ساڵی ٢٠١٥ لە باکورەوە چۆتە ڕۆژئاوای کوردستان. لە ساڵی ٢٠١٨-ەوە هاتۆتە کەمپی “مەخموور.
لە چەند ڕۆژی ڕابردوو، هاکان فیدان، سەرۆکی دەزگای هەواڵگری تورکیا- میت. سەردانی عێراقی کردبوو، لەو سەردانەیدا، چاوی بە سەرۆککۆمار و سەرۆکوەزیران سەرۆکی ئەنجوومەنی نوێنەران و بەرپرسانی تری عێراق کەوتبوو.
ئەو سەردانەی هاکان فیدان بۆ عێراق، بەیەکم سەردانی بەرپرسیکی تورکیا دادەنریت، دوای هێڕشەکەی تورکیا بۆ سەر گەشیتیاران لە شارۆچکەی “زاخۆ”ی پارێزگای دهۆک لە باشوری کوردستان.
