وەزارەتی شارەوانی گەشتوگوزاری حکوومەتی هەرێمی کوردستان، بۆ زیادکردنی ڕێژەی سەوزای پارکێک لە ئیدارەی سەربەخۆی زاخۆ درووست دەکات.
وەزارەتی شارەوانی و گەشتوگوزار لە راگەندراوێکدا، ئاشکرای کرد ” یەكێك لە ئامانجەكانی كابینەی نۆیەمی حكوومەتی هەرێمی كوردستان زیادكردنی ڕێژەی سەوزایی و پەرەپێدانی پارك و باخچەكانە لە شار و شارۆچكەكانی كوردستاندا، لەم چوارچێوەیەدا وەزارەتی شارەوانی و گەشتوگوزار گوژمەی (٣٦٦،٧٦٨،٠٠٠) دیناری بە مەبەستی دروستكردنی باخچەیەك لە زاخۆ تەرخان كرد”
لە راگەندراوەکەی وەزارەتی شارەوانی و گەشتوگوزاردا هاتووە ” ئەو گوژمەیە لەسەر ڕێژەی (سەدا ١٥)-ی داهاتی سەرۆكایەتیی شارەوانیی زاخۆ تەرخان كراوە و بە شێوەی قۆناغ كە ئەم گوژمەیە بۆ قۆناغی یەكەم بە مەبەستی دروستكردنی باخچەیەك لە گەڕەكی جگەرخوێن بەپێی ڕێنماییەكانی دارایی تایبەت بە داهات بۆ سەرۆكایەتیی شارەوانیی زاخۆ خەرج دەكرێت”
لێنزنیوز
