بەڕێوەبەرایەتی گشتی پۆلیسی پارێزگای سلێمانی، هەواڵی دەستگیرکردن و دواتر ئازادکردنی هێزەکانی “دژە تیرۆر”-ی بەهۆت تەقەکردن لە شەقامی “سالم”-ی شاری سلێمانی رەتدەکاتەوە.
لە روونکردنەوەکی پۆلیسی سلێمانی هاتووە “لەهەواڵێكی چەواشەكارییانەی كەناڵی nrt [ئێن ئاڕ تی]دا، وا بڵاوكراوەتەوە كە گوایە شەوی ڕابردوو چەند كارمەندێكی دژەتیرۆر لەشەقامی سالم (سەهۆڵەكە) تەقەیان كردووەو لەلایەن هێزەكانی پۆلیسی سلێمانییەوە دەستگیركراون و دواتر لەژێر فشاردا ئازاد كراون”
لە روونکردنەوەکەی بەرێوەبەرایەتی پۆلیسی سلێمانی لە درێژەی راگەیاندراوەکدا، ئاشکرای کردووە “ئێمە لێرەوە ئەو هەواڵە چەواشەكارییەی nrt[ئێن ئاڕ تی] ڕەتدەكەینەوەو بەهەموو لایەكی ڕادەگەیەنین كە هیچ ڕوداوێكی لەوشێوەیە ڕوی نەداوەو داوای یاساییش لەسەر كەناڵی ناوبراو تۆمار دەكەین”
هەروەها، پۆلیسی سلێمانی، لەبارەی بڵاوکردنەوەی هەواڵ و زانیاری کە پەیوەست بە بەڕێوەبەرایەتیەکەیانەوە بێت، دەڵێت” داوا لەهەموو كەناڵەكانی ڕاگەیاندن دەكەین كە بەرپرسانە مامەڵە بكەن و بێ گەڕاندنەوە بۆ لێدوانی ڕەسمیی كە ووتەبێژو بەشی ڕاگەیاندنی بەڕێوەبەرایەتی پۆلیسی پارێزگای سلێمانییە هیچ هەواڵێك بڵاونەكەنەوە، لەكاتێكدا بەڕێوەبەرایەتی پۆلیسی پارێزگای سلێمانی لەزاری ووتەبێژو بەشی ڕاگەیاندنەكەیەوە هەمووكات ئامادەبووە بۆ وەڵامدانەوە و پێدانی زانیاری بەسەرجەم كەناڵەكانی ڕاگەیاندن لەناویشیاندا كەناڵی nrt [ئێن ئاڕ تی]”
لێنزنیوز
