سوپای پاسداران په‌یامێكی له‌باره‌ی تۆپبارانه‌كانی ئه‌مڕۆ بڵاو كرده‌وه و ڕایگه‌یاند ئه‌وه سه‌ره‌تای ئۆپراسیۆنی “ئاگرباران و تۆپباران”ه. هه‌روه‌ها داوای له هاووڵاتییانی ئه‌و ناوچانه كرد له‌وێ دوور بكه‌نه‌وه.
له‌راگه‌یه‌نراوێكی سووپای پاسداران، ئه‌مڕۆ شه‌ممه ٢٤ی ئه‌یلوولی ٢٠٢٢ له‌باره‌ی تۆپبارانی ناوچه سنوورییه‌كانی هه‌رێمی كوردستان و په‌یامی بڵاو كرده‌وه و رایگه‌یاند، كه ئه‌و حزبانه‌ی دژی تارانن له ناوچه سنورییه‌كانی هه‌رێمی كوردستان ده‌كه‌ن ئامانج.
له راگه‌یه‌نراوه‌كه‌ی سوپای پاسداران هاتووه كه ئۆپراسیۆنی “ئاگرباران و تۆپباران” له ناوچه سنوورییه‌كان ده‌ستپێده‌كات.
هاوكات داواش له هاووڵاتییانی ئه‌و ناوچانه ده‌كات كه دوور بكه‌ونه‌وه له بنكه و باره‌گانی ئه‌و حزبانه‌ی دژی كۆماری ئیسلامی ئێران.
پاسداران ئه‌وه ده‌خاته‌ڕوو كه ئۆپۆراسیۆنه‌كه به‌رده‌وامی ده‌بێت بۆ پاراستنی سنووره‌كانی خۆی و ده‌سه‌ڵاتدارانی هه‌رێمی كوردستان به به‌رپرسیار ده‌زانێت له به‌رانبه‌ر پاندییه نێوده‌وڵه‌تییه‌كان و به‌رده‌وامبوونیان له بەرپرسیارێتییە یاساییەکانیان.
هاوكات ئه‌مڕۆ شه‌ممه٢٤ی ئه‌یلوولی ٢٠٢٢، سوپای پاسداران تۆپبارانی ناحیه‌ی سیده‌كانی كرد، به‌ڵام زیانی گیانی نه‌بوو. هه‌روه‌ها له‌ناو راگه‌یه‌نراوه‌كه‌ی سوپای پاسداران هاتووه ئه‌وه سه‌ره‌تایی ئۆپراسیۆنه‌كه‌یه.
